"Nova Sento in Rete" n. 77 - Gioventù Esperantista Italiana
Gioventù Esperantista Italiana - Itala Esperantista Junularo
PUBBLICITÀ
Esperanto Esperanto »
Italiano Italiano »
Archivio di "Nova Sento in Rete"
  Numero 77     1999-07-22
> 55a IJK en Hungario - Sxangxo de la kongresejo - Lariko Golden
> UEA - Agado Espero - Gxemeligxoj kun eks-jugoslaviaj urboj
> Interpretado en Berlino - Renato Corsetti - UEA Estraro
> Per aumentare il numero degli esperantisti, bisogna procrearli! - Framerio
> "Esperanto - la nova latino de la eklezio" - Nova Libro de Ulrich Matthias
> Sito internet di Blera - Presto in esperanto - Pier Luigi Cinquantini
> Rivista "Podismo" - Paolo Pellegrino
> Nova interreta radio el Koreo
> Nova ret-adreso de Umberto Broccatelli


  Contenuto
55a IJK en Hungario SxANGxO DE LA KOMGRESEJO

Inter 09-16 de auxgusto 1999 okazos la sekva Internacia Junulara Kongreso de TEJO (Tutmonda Junulara Esperanto Organizo) en Hungario, organizita de Hungara Esperanto-Junularo.

Sxangxo de kongresejo

Post longaj traktadoj kaj komunaj preparlaboroj kun la Infana kaj Junulara Centro de Zanka evidentigxis, ke la Centro pro eksteraj kialoj nek la necesan nombron de cxambroj, nek la interkonsentitan prezon povas certigi.

Pro tio ni rapide sercxis novan lokon, kaj trovis gxin en la urbo Veszprem, 30 km-ojn for de Zanka.

Praktike tio signifos por ni, ke la Kongreso okazos en urbeto kun 70 mil enlogxantoj, kiu estas pli facile atingebla, kie la kongresejo mem estos pli koncentrite kaj intime la nia, la suneklipso same videblos, kiel en Zanka, kaj la plagxo cxe la lago Balatono troveblos je la distanco de dudekminuta busveturado (anstataux 15 minuta piediro en Zanka...).

Resume la sxangxo kauxzis pli da laboro por la LKK, sed samtempe pli bonajn kondicxojn por la Kongreso.

La kongresurbo Veszprem estas la "cxefurbo" de la montaro Bakony: moderna universitata urbo, ekonomia kaj kultura centro de la regiono, kun ricxa historio. Vizitantoj trovas cxion cxi tie: mezepokajn memorajxojn, barokan fortikajxan kvartalon, ekleziajn trezorojn, ecx zoologian gxardenon. La cxirkauxajxo de la urbo havas belegajn ekskurseblecojn, kiujn ni utiligos por la dumkongresaj ekskursoj.

El la programo

El la bunta programo de la Kongreso cxi tie ni nur volas mencii kelkajn specialajxojn, kiuj espereble faros la 55-an IJK vere neforgesebla.

Suneklipso: La organizantoj arangxis unu el la plej maloftaj fenomenoj speciale por plezurigi la kongresanojn. La kongresurbo trovigxas en regiono, de kie la suneklipso estos plej bone observebla.

Tuttaga ekskurso: Dum unu tago cxiuj partoprenantoj vizitos Budapesxton, la cxefurbon de Hungario. Politika simulludo en la Parlamentejo, inauxguro de Esperanto-Parko, fakaj kaj distraj vizitoj al diversaj vidindajxoj de la urbo konsistigas la programon de tiu tago.

Kongresa Balo: Unu nokto de la Kongreso estos ecx pli longa, pli festena, pli pasia ol la aliaj - la nokto de la Kongresa Balo kun prezentoj kaj konkursoj pri klasikaj kaj modernaj dancoj, kun dancado gxis mateno kaj kun diversaj surprizoj.

Kongresa Olimpiko: La partoprenantoj konkursos en grupoj de imagitaj landoj pri diversaj sporto-brancxoj, seriozaj kaj sxercaj. Ni ankaux revivigos la antikvan tradicion de oratoraj kaj poeziaj konkursoj.

Virtuala Kongreso: Al tiuj (cxiam) junaj Esperanto-parolantoj, kiuj ne povas persone partopreni la arangxon, ni donas la eblecon cxeesti virtuale pere de la hejmpagxo de la Kongreso. Tie oni povos atingi gxisdatajn informojn pri la programo, retan version de la kongresa bulteno, mesagxtabulon kaj interaktivajn prelegojn kaj diskutrondojn.

Postkongresaj ekskursoj: Post la oficiala finigxo de la Kongreso partoprenantoj havos la eblecon plilongigi sian restadon en Hungario, aligxante al unu el la kvin rondvojagxoj, dum kiuj oni povos pli profunde konatigxi kun la belecoj de la lando. La pinto de cxiuj povas esti la pasigo de la 20a de auxgusto (nacia festo en Hungario) en Budapesxto kun interalie metiista foiro en la Fortikajxo kaj granda fajroludo vespere.

Kiel ankoraux aligxi?

Se vi nun konsciigxis pri tio, ke vi volas partopreni la plej grandan junularan Esperanto-arangxon de la jardeko, al kiu jam aligxis pli ol 500 personoj el 43 landoj, vi povas ankoraux aligxi cxe unu el la subaj adresoj:

Golden David Alko

posxta adreso: Damjanich u. 1/c. I. 8. HU-8200 Veszprem, Hungario

interreto: hej@math.bme.hu

interaktiva aligxilo: http://www.math.bme.hu/~hej/ijk99/aligilo.html

Kompreneble vi havos la eblecon aligxi ankaux surloke.

La kongresurbo Veszprem estas atingebla kaj trajne (el la direktoj de Budapesxto aux Szombathely) kaj buse (el la direktoj de Budapesxto aux Gyo"r). En Veszprem vi povas atingi la tranoktejon per la loka buso n-ro 4, elirante cxe la haltejo "Stadion u. 19/a".

Adreso: Veszprèmi Ko:zèpiskolai Kollègium (Vesprema Mezlerneja Studenthejmo) Stadion u. 20-22, HU-8200 Veszprèm

Akceptejo funkcios la 9-an de auxgusto de la 10-a gxis la 23-a horo en la studenthejmo.

Por urgxaj kaj lastmomentaj problemoj uzu: +36-30-2270820 (portebla telefono cxe Alko Golden)

Atendante vin kaj viajn amikojn,

Lariko Golden

golden@isis.elte.hu

sekretario de la LKK



UEA - AGADO ESPERO

Projekto 4-a

Gxemelaj kluboj en eksa Jugoslavio

La Esperanto-grupo en Ulm, Germanujo, decidis antaux kelkaj semajnoj komenci helpagadon por la esperantistoj en Jugoslavio kaj sendis iomete da mono kiun ili ricevis.

La grupo nun intencas vastigi sian agadon kaj krei interrilatojn inter esperantistoj en aliaj landoj kaj en Jugoslavio. Temu pri interurbaj aux interklubaj rilatoj.

La grupo, do, pretas kunordigi la petojn de Esperanto-kluboj, kiuj deziras gxemelojn en Jugoslavio, kaj helpi trovi tiujn partnerojn.

La grupo ankaux havas helpkonton, kiun gxi uzas nur por la rekta kaj urgxa helpo, ekzemple, por acxeti medikamentojn. Ne forgesu ke ekzistas ankaux multaj, kiuj ne havas suficxe da mono por acxeti nutrajxon.

Gerald Grupp, la cxefa motoro de cxi tiu agado deklaras ankaux ke:

- memkompreneble, ni ne distingas inter etnoj en nia agado.

- se okazos ke pere de esperantistoj ni ricevos la informon, ke neesperantistoj bezonas urgxan helpon, ni klopodos ankaux ilin helpi.

- ni esperas, ke cxiuj kune ni, kiuj vivas en normalaj vivocirkonstancoj, povos helpi homojn en terura situacio.

Adreso:

Gerald Grupp kaj la E-grupo Ulm/Neu-Ulm

Pfuhlerstr.26

D 89231 Neu-Ulm

< Gerald.Grupp@bn-ulm.de >

UEA konto: scrm-x



Interpretado en Berlino

UEA sercxas esperantistojn, kapablajn pri samtempa interpretado el Esperanto al la angla kaj inverse kaj el Esperanto al la franca aux inverse por la simpozio Nitobe, kiu okazos dum du tagoj de la UK en Berlino.

La seminarion partoprenos gravaj neesperantistaj lingvistoj. Laborlingvoj estos Esperanto, la angla, la franca kaj la germana. Por la germana ni jam havas kelkajn akceptintojn.

Estas antauxvidata simbola honorario.

Se iu el la listanoj, kiuj intencas partopreni la UK-n povas kaj volas fari tion (kompreneble oni ne postulas tute profesian kvaliton), bonvolu respondi al mi persone < corsetti@itelcad.it >.

Renato Corsetti

< corsetti@itelcad.it >



PER AUMENTARE IL NUMERO DEGLI ESPERANTISTI, BISOGNA PROCREARLI!

Così devono pensarla Reena Amerio e Pere Bernus, attivi esperantisti da almeno un decennio, che sono convolati a giuste nozze il 10 luglio a Llobregad (Girona).

Animatori del progetto Espero tra la Catalonia e la Bosnia (www.espero.org ), si sono sposati dopo essersi conosciuti durante il Congresso Giovanile di Kerkrade (1989).

Nella speranza che il loro luminoso esempio sia seguito da molti dei lettori di Nova Sento, non posso che augurare loro ogni felicità.

Francesco Amerio



"Esperanto - la nova latino de la eklezio"

Fine de julio aperos, en rimarkinde alta eldonkvanto de 10.000 ekzempleroj, la germanlingva libro de Ulrich Matthias: Esperanto - das neue Latein der Kirche. Die internationale Sprache im Dienst der Verständigung unter evangelischen und katholischen Christen.

(Esperanto - la nova latino de la eklezio. La internacia lingvo servanta al la komprenigxo inter evangeliaj kaj katolikaj kristanoj)

Eldonejo: Armin Gmeiner Verlag, Meßkirch 1999, ISBN 3-926633-39-5, 123 pagxoj.

La libro estos havebla por cxirkaux 12 euxroj en la UK en Berlino, la Ekumena Kongreso en Gliwice, en germanaj librovendejoj kaj cxe multaj Esperanto-libroservoj.

El la enhavo:

* Enkonduko (rigardo al Katolikaj Esperanto-Tendaroj)

* La historio de universalaj lingvoj

* La mondobildo de Zamenhof

* La estigxo de IKUE kaj KELI

* Sinteno de la ekleziaj auxtoritatoj al Esperanto

* La aplikado de Esperanto inter kredantoj (IKUE-/KELI-kongresoj, Katolikaj Esperanto-Tendaroj, Junularaj Ekumenaj Esperanto-Tendaroj, Diservoj, bonfara agado, gazetoj, Vatikana Radio, Interreto...)

* Argumentoj

* Perspektivoj

* Aldono: Adresoj, TTT-pagxoj; kronologia listo; superrigardo pri la strukturo de Esperanto; pregxoj kaj kantoj

La iniciatinto de la projekto, pastro Bernhard Eichkorn, jam kolektis plurajn milojn da antauxmendoj, kaj lige kun la apero estos lancxata granda informkampanjo en kristana medio.

Ulrich Matthias

< Ulrich.Matthias@t-online.de >

(el Esperanto-novajxservo RET-INFO - Hungario)



SITO INTERNET DI BLERA - PRESTO IN ESPERANTO

Segnalo il nuovo sito su Blera, appartenente alla Pro Loco: http://members.xoom.it/blera

Presto sarà disponibile in 5 lingue (compreso l'esperanto).

Vi faremo sapere

Pier Luigi Cinquantini

pcinqua@tin.it



RIVISTA "PODISMO"

Nella pagina pubblicitaria della corsa internazionale su strada Amatrice - Configno pubblicata sulla rivista di podismo "Correre" a pag. 115, nel box con le informazioni per le iscrizioni è utilizzata la frase: "internacia surstrata kurado".

Saluti, Paolo Pellegrino

licchio.rm@iol.it



Nova interreta radio el Koreo

La 10an de julio inauxgurigxis nova interreta redio.

Interreta adreso de ERI estas: http://www.esperanto-radio.net



Nova ret-adreso de Umberto Broccatelli

Mi petas ke vi diskonigu jenan informon:

"Umberto Broccatelli havas novan ret-adreson < u.broccatelli@tiscalinet.it >

Tamen ankaux la gxinuna retadreso < u.broccatelli@agora.stm.it > plu funkcios gxis januaro 2000."

Dankon kaj korajn salutojn,

Umberto
SplinderBadzuStumbleUponDiggTwitter
redditDel.icio.usAggiungi ai Preferiti di Google - Aldoni al Paĝosignoj en GugloKlaku.net - Via demokratia amaskomunikiloVizaĝlibro/Facebook
 
  Gioventù Esperantista Italiana - Itala Esperantista JunularoGioventù Esperantista Italiana
Via Villoresi, 38
20143 Milano, Italia
Tel/Fax: 02 58 10 08 57
Posta elettronica: iej@esperanto.it
Sezione giovanile della FEI; sezione italiana della TEJO
Vizaĝlibro/FacebookJutubo/YoutubeVikipedio/Wikipedia