"Nova Sento in Rete" n. 91 - Gioventù Esperantista Italiana
Gioventù Esperantista Italiana - Itala Esperantista Junularo
PUBBLICITÀ
Esperanto Esperanto »
Italiano Italiano »
Archivio di "Nova Sento in Rete"
  Numero 91     1999-09-26
> Balkanaj Sunfloroj - La 5a projekto de agado espero
> La Repubblica ci trova interessanti
> Renkontigxo en Vercelli
> Corso a Milano
> Lingva Festivalo en Cxeboksary - Rusio


  Contenuto
Balkanaj Sunfloroj

Kara TEJO-aktivuloj,

mi petas vin rigardi la TTT-pagxojn httP://www.uea.org

Tie sub la tem-linio "Agado espero" vi trovas la "Projekton 5-an", kiu estas projekto arangxita de juna germana esperantisto. Temas pri labor-tendaroj kaj aliaj agadoj en balkanaj landoj.

Tiu agado estas multe pli celanta junajn homojn kiel vin ol la ceteran UEA-membraron.

Se TEJO povos fari ion por kunlabori kun Balkanaj Sunfloroj, tio estos bona.

Tre amike

Renato Corsetti

UEA-estrarano

____________

Jen sube la teksta parto de la menciita retpagxo. - L.S.

Agado Espero

Projekto 5-a Balkanaj Sunfloroj

Iniciato por helpi al rifugxintoj kaj al pacokonstruado en balkanaj landoj

Milito kaj forpelo de la hejmo estas trauxmigaj spertoj. Ni ne sukcesis preventi ilin en Kosovo. Same, la sperto vivi kiel rifugxinto en kampadejo kaj la reveno en la detruitan hejmregionon povas kauxzi trauxmojn. Jen ni havas la eblecon helpi.

La celo de "Balkanaj Sunfloroj" ("Balkan Sunflowers") estas organizi volontulajn helpantojn el cxiuj mondopartoj, kiuj laboras por mildigi la rifugxint-krizon kaj kunlaboras cxe la rekonstruo de la regiono. Teknikaj aux medicinaj antauxscioj ne bezonatas. Plej grave estas porti senton de solidareco kaj komuneco al la rifugxintoj. En la rifugxint-kampadejoj kaj en urboj kaj vilagxoj kie logxas multe da rifugxintoj ni fondas renkontigxejojn kie okazas kursoj (ekz. pri arto, manlaboro, lingvoj, muziko, teatro aux ceramikado), sporto kaj parolrondoj. Tiel ni povas helpi igi la cxiutagan vivon de la rifugxintoj iom pli homeca. Parte ankoraux necesas provizi la plej bazajn aferojn kiel tendojn kaj necesejojn. Volontuloj kun teknikaj scipovoj povas kune kun la rifugxintoj prizorgi la materialojn kaj la konstruadon.

La volontuloj estas la bazo de la agado de Balkanaj Sunfloroj. Ili mem respondecas pri la financado de sia vojagxo kaj restado. Cxiu volontulo ankaux memstare disvolvu sian oferton de servoj al la rifugxintoj kaj kunportu la necesajn materialojn. Post komuna preparado ili estas sendataj al rifugxintejoj kaj projektoj, kie oni jam preparigxis por ilia alveno. La volontuloj cxiam estas en malgranda grupo kune kun lokaj volontuloj kaj restas cxe projekto dum tri semajnoj.

La internacia oficejo de Balkanaj Sunfloroj prizorgas la monon por konstrui la substrukturon de la asocio, ekzemple oficejojn en Skopje kaj Tirana, kaj logxlokojn por la volontuloj. Ekzistas ankaux kontaktoj kun aliaj asocioj kiuj agas en la regiono.

Balkanaj Sunfloroj planitis kiel longdauxra projekto. La celo estas ke en cxiuj lokoj kiuj kreigxas dauxre estu volontuloj gxis kiam la rifugxintejoj malfondigxos kaj la homoj povos reiri hejmen. En la pasinteco montrigxis ke fugxint-kampadejoj kiuj ekaperas post amasfugxo kiel nun en balkanaj landoj ofte restis dum pluraj jaroj. Multaj fugxintoj venas de vilagxoj kiuj estis tute detruitaj kaj do ne havas lokon por reiri. Multaj timas ke ili estos mortigitaj se ili reiros hejmen. Kvar jarojn post la interkonsento de Dayton, kiu finis la militon inter Serbujo, Kroatujo kaj Bosnio-Hercegovino, centmiloj da homoj ankoraux logxas en rifugxintejoj.

Novajxoj pri Balkanaj Sunfloroj

Ekde la komenco de majo, la unuaj longdauxraj volontuloj malfermis oficejojn en Tirana kaj Skopje. Ili kunlaboras kun aliaj organizoj kaj intertempe ili lancxis diversajn projektojn en fugxint-kampadejoj kaj en urboj kaj vilagxoj kie logxas multo da rifugxintoj. La oficejoj starigas la grupojn de volontuloj en kiuj estas kaj eksterlandanoj kaj lokuloj. Ekde la 30-a de majo la unuaj grupoj eklaboris cxe la diversaj projektoj.

La subskribo de la paco-interkonsento ne signifis la finon de la agado kun la rifugxintoj. La nuna situacio en tiu cxi detruita regiono oni ne jam povas nomi "pacon". Balkanaj Sunfloroj intencas kiel eble plej baldauxe kunhelpi cxe la rekonstruado en Kosovo kaj organizi projektojn kiuj ne nur celas la praktikan rekonstru-laboron sed ankaux la intertraktadon inter la diversaj etnikaj grupoj.

Ekzemploj de niaj Projektoj

Albanujo

Volontulo-grupo nia laboras en orfejo en Tirana, en malsanulejo kaj dauxre organizas aktivojn por rifugxintaj familioj en la restantaj rifugxintejoj, ekz. la ejo de 'Premier Urgencè en Kashar.

Je la komenco de auxgusto ekos 'somerokampadoj' cxe kvin lokoj. Tiuj celas ambaux kosovan kaj albanan junularojn. Samtempe disvolvigxas ideo pri projekto por strat-infanoj - plejparte el romaaj-familioj.

Kosovo

En Kosovo partneras Balkanaj Sunfloroj al la Kosova Junulara Konsilanaro kaj UNICEF por ke ni kune disvolvu tiel nomatajn 'Infanemajn Ejojn' (Child Friendly Spaces). Kadre de tiuj estos organizataj sociaj aktivoj kaj edukado pri atento al minoj.

Makedonujo

Shutka - kvartalo de Skopje kie logxas miloj da romaaj-ciganaj familioj - enhavantaj rifugxintojn el Kosovo. Kunlaborante kun la roma-cigana socio ni organizas lingvokursojn kaj sociajn aktivojn.

Cegrane - rifugxintejo en okcidenta Makedonujo. En tiu rifugxintejo logxas ses miloj da homoj, kaj ni organizas sociajn aktivojn por la infanoj kaj junuloj, kaj plie zorgadon por la maljunuloj kaj malfortuloj.

La historio de 'Balkanaj Sunfloroj'

Balkanaj Sunfloroj (Balkan Sunflowers) estas fondita de Wam Kat, nederlanda pacaktivisto kaj profesoro pri sociologio. Dum la balkana milito en 1992 li vojagxis al Kroatujo kaj tie laboris por la asocio "Anti-War Campaign Croatia" (ARK). Tie li ekigis la projekton "ZaMir" ("Por la Paco"), kies celo estis faciligi la kontaktojn inter pacaj, homrajtaj, kaj helpantaj asocioj, sed ankaux inter la militopartioj. Kun aliaj volontuloj li konstruis retposxtan sistemon kun retaj nodoj en Slovenujo, Kroatujo, Bosnio-Hercegovino, Serbujo kaj Kosovo. Dum tiu agado Wam Kat kaj la aliaj kunlaborantoj de ARK komencis varbi internaciajn volontulojn por la laboro en rifugxintejoj. Post unu jaro la projekto jam tiom kreskis, ke en 60 lokoj en Kroatujo kaj Bosnio-Hercegovino laboris 2000 internaciaj volontuloj. La projekto konatigxis kiel "Suncokret" ("Helianto" aux "Sunfloro" en la loka lingvo) kaj ricevis subtenon de UNHCR. Suncokret ankoraux ekzistas kaj bonvenigas la novan iniciaton "Balkanaj Sunfloroj".

La nomo Suncokret venas de alia projekto de Wam Kat: en la printempo de 1994 li metis semojn de heliantoj en la multajn forgesitajn sablosakojn kiuj restis cxie en Zagrebo kiel partoj de fortikajxoj. En la somero floris centoj da heliantoj en Zagrebo - unu el la plej belaj kontrauxmilitaj protestoj de la longa balkana milito.

Poste li organizis la laborbrigadon Pakrac, en kiu internaciaj volontuloj kune kun enlogxantoj rekonstruis tiun urbon, partigita de la batal-halta linio. Per tiu laboro li helpis al la procezo de paco kaj reakordigxo.

Wam Kat skribis pri sia laboro kaj spertoj en la miltregiono en sia tagolibro, kiun li cxiutage metis en la interreton. La mondo baldaux malkovris tiun cxi tagolibron, kaj gxi estis represita en gazetoj kiel USA Today. La ZaMir Transnational Net kaj la projekto Pakrac estis tiom sukcesaj, ke ili kaptis la atenton de la vicprezidanto de Usono, Al Gore, kiu rimarkis ke "gxi (la interreto) portis al ni bildojn de miltito kaj paco, de tragedio kaj gxojo, kiuj ni cxiuj povas vidi. La nederlandano Wam Kat dum pli ol unu jaro kaj duono publikigis elektronikan tagolibron en la interreto en kiu li skribis pri la vivo en Kroatujo. Post legado de la Kroata tagolibro de Kat (la "Zagreb Diary") homoj de la tuta mondo komencis sendi monon por helpi. La rezulto: 25 domoj estis konstruitaj en urbo detruita de la milito. Registaroj ne faris tion; homoj faris. Sed tiaj okazajxoj estas la espero por la la estonteco ..."

(Al Gore, vicprezidanto de Usono, dum prelego en la "International Telecommunications Union Development Conference" je 1997)

Ni igu la heliantojn ekflori denove!

Kiel mi povas helpi

- Tiuj, kiuj sxatus labori kiel volontuloj estas bonvenaj. Bonvolu kontaktu nin per letero aux retposxto.

(kutime oni bezonas bazan scipovon pri la angla lingvo, sed ni ja organizos fojfojajn esperantlingvajn laborgrupojn - kontaktu nin se vi emas tion: partopreni aux kunorganizi).

- Cxiuj volontuloj respondecas pri la financado de sia propra agado. Se vi subtenas volontulon, vi povas certi ke 100 % de la mono estas uzota por pagi ties vojagxajn kaj restadajn kostojn dum la laboro kun la rifugxintoj.

- Transdonu tiujn cxi informojn - al amikoj, al homoj kiuj eble sxatus labori kiel volontuloj, al asocioj kiuj povus finance donaci al la projekto kaj al cxiuj kiuj povas iel ajn subteni!

- Ni urgxe bezonas financan subtenon por la plukonstruo de la tuta organizo.

Cxiu donaco al nia konto estas helpo!

Balkanaj Sunfloroj

Balkan Sunflowers e.V.

Postfach 1219

DE-14806 Belzig

Telefono +49-33841-30670

Faksilo +49-33841-30671

balkansunflower@mir.org

TTT-pagxoj

(aktualaj informoj kaj la 'Tirana Tagolibrò)

Banko: Bank Frankfurt (Germanujo)

(BLZ -bankokodo- 500 901 00)

Sonderkonto Sunflower

Kontonr. 1601601

Esperantistoj rajtas donaci ankaux tra la konto "Espero de UEA". Bonvolu klare indiki "por Balkanaj Sunfloroj"



La Repubblica ci trova interessanti

Forse a qualcuno può interessare; La Repubblica distribuisce alcuni fascicoli relativi a Internet; In Liguria con il primo fascicolo è stato distribuito un opuscolo con i siti più significativi della regione; Tra questi siti è elencato anche quello del Gruppo Esperanto Tigullio.

Certo non è per le qualità tecniche del sito, visto che l'ho fatto io che sono solo un dilettante in materia... forse sarà per la vecchia storia che fa notizia l'uomo che morde il cane, insomma ciò che è insolito... o forse abbiamo degli amici che non sappiamo di avere tra i giornalisti di La Repubblica... chissà.

In ogni caso ciò che è senz'altro vero è che ai molti interessati a Internet in Liguria può essere arrivato uno spunto per informarsi sull'Esperanto, il che un po' mi spaventa perché mi rimarrà poi il dubbio che se tra quelli che dovessero visitare il sito nessuno troverà lo stimolo per interessarsi ulteriormente della lingua forse un po' di colpa sarà mia per non aver realizzato un sito adeguato.

Tra parentesi il nostro sito è stato inserito nel gruppo dei siti relativi alle lingue straniere, insieme ad altri 3 siti solamente.

Il sito è all'indirizzo http://www.geocities.com/Athens/aegean/8432

Salutojn

Lucà Dario

lucda@rapallo.newnetworks.it



RENKONTIGxO EN VERCELLI

Gianni Reina el Vercelli, jxus konfirmis al mi ke la kunveno en Vercelli okazos la 24-an de oktobro,dimancxe kaj prelegos Oscar Luigi (Scalfaro).

Temas pri la unua kunveno post la epoko de Sola kaj mi opinias ke oni devas ilin subteni por ne perdi grupon. Estas envolvitaj la urbestraro ktp do enurbe grava arangxo.

Mi sugestas ke oni klopodu utiligi la antauxan posttagmezon/vesperon por kunvenigi iujn aktivulojn por labori pri iu projekto.

Mi lasas al vi la iniciaton

plej amike

Michela Lipari

mc8750@mclink.it



CORSO A MILANO

Presso la Società Umanitaria, Via Daverio, 7 tel.: 02-55192966, terrò un corso di esperanto a partire dal 6.10.99.

Orario: tutti i mercoledì, dalle 18:00 alle 19:00.

_____________

Dr. Aldo Taccani

c/o Università degli Studi - MILANO

Dip. di Informatica

Tel: +39-02-55006218

Fax: +39-02-55006244

Via Comelico, 39

I 20135 MILANO MI



LINGVA FESTIVALO EN CxEBOKSARY!!!

La 23-24an de oktobro 1999, la Junulara Esperanto-Asocio de Cxuvasxa Respubliko organizas en Cxeboksary (Rusio), tradician cxiujaran Lingvan Festivalon. La Festivalo celas konatigi partoprenantojn kun la unikeco kaj diverseco de mondaj lingvoj kaj pere de tio stimuli intereson al lernado de fremdaj lingvoj.

Dum la Festivalo okazos prezentoj de pli ol 25 lingvoj (inter kiuj Esperanto, la araba, nepala, sveda, angla, itala, hispana k.a.). Tiuj lingvoprezentoj estos gvidataj ne nur de profesiaj instruistoj, sed ankaux far denaskaj parolantoj.

La nombro de partoprenantoj kaj gastoj de la Lingva Festivalo kreskas cxiujare. Tiel en la 1998 jaro gxian antauxan kaj la bazan programon vizitis pli ol 700 (!) homoj. La honoraj gastoj de la Festivalo estis: en 1997 - Ashok Sadjhanhar, kaj direktoro de la kultura centro "Gxavahxarlal Neru" en Moskvo en la rango de ministro de Hindio, Vladimir Samodaj - eksredaktoro de arablingvaj "Moskvaj Novajxoj" kaj redaktoro de gazeto "Scienco kaj kulturo".

En 1998 speciale al la Festivalo alvenis A.D.Armand, la doktoro pri geografiaj sciencoj kaj koresponda membro de la Rusia Sxtata Akademio de Sciencoj, kaj Jean-Marc Leclercq (JoMo) - fama e-kantisto, kies rekordo (prezentado de kantoj en 25 lingvoj) estis registrita en la libro de Guiness; kaj krom tio - Martin Shoden kaj Sofia Ugla, reprezentantoj de la Sveda Kulturcentro en Moskvo.

La Lingva Festivalo havas, antaux cxio, klerigajn celojn kaj estas planita kiel festo de internacia komunikado, kie cxiuj lingvoj kaj popoloj estas egalaj kaj respektindaj.

La Junulara Esperanto-Asocio de Cxuvasxa Respubliko invitas vin partopreni la Festivalon kaj esperas je via kontribuo al la baza kaj antauxa programoj, kiuj inkluzivas:

- lingvoprezentojn (t.e. mallongaj rakontoj pri la lingvo kun lauxebla demonstrado de materialoj pri la lando en kiu oni gxin parolas);

- koncertojn;

- ekspoziciojn (de infanaj pentrajxoj al la temo "Mia amata lando", "Aliaj landoj - kiel ilin imagas mi")

- renkontigxojn kun amaskomunikiloj

- renkontigxojn kun studentoj kaj gelernantoj de la Respubliko

- lingvajn kvizojn kaj konkursojn.

Ni atendas viajn proponojn kaj esperas renkonti vin en Cxeboksary kiel gasto de Lingva Festivalo.

Jekaterina IGNATIEVA, Cxeboksary, Rusio

katido@usa.net

(el Esperanto-novajxservo RET-INFO - Hungario)
SplinderBadzuStumbleUponDiggTwitter
redditDel.icio.usAggiungi ai Preferiti di Google - Aldoni al Paĝosignoj en GugloKlaku.net - Via demokratia amaskomunikiloVizaĝlibro/Facebook
 
  Gioventù Esperantista Italiana - Itala Esperantista JunularoGioventù Esperantista Italiana
Via Villoresi, 38
20143 Milano, Italia
Tel/Fax: 02 58 10 08 57
Posta elettronica: iej@esperanto.it
Sezione giovanile della FEI; sezione italiana della TEJO
Vizaĝlibro/FacebookJutubo/YoutubeVikipedio/Wikipedia